Friday, December 12, 2008

हिरवाई_एक प्रतिसाद

माझ्या "हिरवाई" या कवितेवरील चित्र पाहुन मायबोलीवरील एक सातत्याने दर्जेदार लेखन करणारे कवि श्री. सत्यजीत माळवदे यांनी लिहीलेली आणखी एक सुंदर कविता .सत्यजीत, हि कविता इथे टाकण्याची परवानगी दिल्याबद्दल मंडळ मनापासुन आभारी आहे.

नागीण काळ्या वाटे भवती
पिवळी नाजूक रानफ़ुले
दरी दरीतुन सफ़ेद धारा
पर्वतांवर धुके झुले

हरित कुंचल्यानी शिंपली
लिंपली सारी पाने फ़ुले
क्षणात वाटे तिथे जावे
जिथे पावसा उन मिळे

कधी नभ भरुन श्वास घ्यावा
कधी पहावे आभाळ खुले
कधी आडोशी पाउस पहावा
कधी व्हावे बाळ खुळे

ओढ्यांचे चाळ बांधता
खळखळ पावलांस वेग मिळे
थरथर कांती उठे शहारा
परी न आवरे मन खुळे . . .

सत्यजित.

No comments: